Донација од Словенија во заштитна опрема против Ковид-19 во вредност од 113.500 евра
Во касарната „Гоце Делчев“ во Скопје, денеска пристигна пратка со заштитна опрема за борба против КОВИД-19, донирана од Владата на Република Словенија на Република Македонија.
Станува збор за 45.000 парчиња трослојни медицински маски и 100.000 парчиња маски од типот KN95, со вкупна вредност од 113.500 евра.
– Словенија на тој начин одговори на барањето на Владата на Република Македонија за меѓународна помош за контролирање на ширењето на коронавирусот упатена до ЕУ односно до Центарот за координација на итни случаи (ERCC) и обезбеди материјална помош преку Владата на Република Словенија, соопштија денеска од Амбасадата на Словенија во Скопје.
Како што стои во соопштението, ова е втора донација од Република Словенија за пријателската држава односно Словенија беше прва која во април 2020, прати помош во Македонија во вид на заштитна опрема.
Во име на Амбасадата на Република Словенија во Скопје, пратката ја предаде амбасадорот Милан Предан, а во име на Македонија пратката ја прими Зулфиќар Зејнулаи, заменик директор на Дирекцијата за заштита и спасување, кој и се заблагодари на словенечката влада за пошта и солидарноста. Заштитната опрема на основ на предлог на Министерството за здравство, се наведува во соопштението, ќе се раздели на повеќе болници во државата.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени