Донација од Чешка од 108.000 заштитни и 18.000 маски тип ffp2/n95 и 5.000 медицински скафандери

5.000 медицински скафандери, 108.000 заштитни и 18.000 маски тип FFP2/N95, Чешка и донираше на Македонија. Вицепремиерот за европски прашања Никола Димитров, кој присуствуваше на примопредавањето на донацијата истакна дека додека ги чекаме вакцините фокусот на владата е да обезбеди заштитен материјал за оние во првите борбени редови.

На настанот се обрати и чешкиот амбасадор Мирослав Томан кој истакна дека пријателите се познаваат во тешки времиња. Се надевам дека што поскоро ќе се вратиме во нормалниот живот рече Томан.

Директорот на Дирекцијата за заштита и спасување Беким Максути рече дека ова е чин на повеќе од пријателство и дека Чешка е вистински поддржувач на земјава.