Донација од Бугарија за поддршка на студенти со попреченост на Филозофскиот факултет
На Филозофскиот факултет во Скопје вчера беше презентирана опремата добиена во рамки на проектот „Служба за поддршка на студенти со попреченост и работилница за изработка на дидактички материјали“ што факултетот го реализира во партнерство со Здружение на граѓани за едукација на млади План Б. Проектот е финансиран од програмата „Бугарска соработка за развој“.
На настанот присуствуваа амбасадорот на Република Бугарија ,Ангел Ангелов, претседателот на Здружение на граѓани за едукација на млади План Б, Димитар Нацоски, ректорот на Универзитетот „Св. Кирил и Методиј“, проф. д-р Никола Јанкуловски и деканот на Филозофскиот факултет, проф. д-р Ратко Дуев.
За значењето на сервисот за поддршка на студентите со попреченост и работилницата за изработка на дидактички материјали, како и идните планови за креирање поинклузивна клима на Универзитетот, зборуваше раководителката на Институт за специјална едукација и рехабилитација, проф. д-р Наташа Станојковска-Трајковска. Настанот беше поддржан и од министерката за образование и наука Мила Царовска.
Во рамки на проектот, Филозофскиот факултет во Скопје, односно Институтот за специјална едукација и рехабилитација, добива опрема и асистивни уреди (Брајов принтер, 3Д принтер, два персонални компјутера со тастатури прилагодени за студенти со засегната фина моторика, два колор печатачи, машинка за пластифицирање и рачен нож за хартија).
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово