Македонија
10. May 2018 - 12:29

Донација на германските „Бајкери“ за охридските здравствени и образовни установи

Германското здружение на моторциклисти „Бајкер Бруми Хилфе“ донира десет шлепери хуманитарна помош со према и помагала за охридските болници и училишта.

Донацијата собрана благодарение на хуманите активности на германските „бајкери“ денеска официјално му беше предадена на градоначалникот на Охрид Јован Стојаноски, кој се заблагодари за подарокот, особено на првиот човек на „Бајкер Бруми Хилфе“, неврохирургот Херман Мунцел. Во знак на благодарност Стојаноски на лидерот на „Бајкер Бруми Хилфе“, Херман Мунзел, му врачи благодарница за оваа хуманитарна акција.

Станува збор за болнички кревети, ортопедски помагала, училишни маси и столици, како и останат инвентар, а дел од донацијата беше и облека. Инаку, германските моторџии собраа 40 шлепери со хуманитарна помош, од кои 19 беа дистрибуирани во Тузла и Горажде во Босна и Херцеговина, 11 во  Призрен, како и помошта за Охрид.

Самите моторџии велата дека на тој начин се обидуваат да ги разбијатстереотипите за нив како „лоши момци“ од филмовите, потврдувајќи дека преку таквите активности  докажуваат оти за нив најважни се семејството, работата и хуманитарниот активизам, па потоа моторите.