Балкан
5. February 2021 - 11:31

Долгата транзиција на власт во Црна Гора ја забави имунизацијата

Долгата транзиција на власта по парламентарните избори во август придонесе за доцнењето на вакцините во Црна Гора, изјави претседателката на Сојузот на лекари Милена Поповиќ Самарџиќ.

Говорејќи како гостин во утринската програма на Црногорската телевизија, таа нагласи дека првата вакцина се очекува да пристигне од Кина, но, според нејзините информации, таа ќе биде од Русија и ќе пристигне кон крајот на февруари или почетокот март.

– Уште во септември, Сојузот на лекари предупреди дека Црна Гора не може да се потпре само на механизмот Ковакс. Знаеме дека сме мала земја и дека многу често имаме проблеми во снабдувањето со лекови. Како мал пазар, ние не сме многу привлечни за фармацевтските компании и тоа требаше да се предвиди во летниот период, да се обединиме со земјите од регионот за да склучиме договор, да контактираме повеќе со земјите на ЕУ за да го надминеме тој проблем во таа соработка или обединување на пазарот, рече Поповиќ Самараџиќ.