Документарецот открива шокантни детали: Принцезата Дајана имала психичко пореметување поради трауми од детството, тоа и го уништи бракот | Сител Телевизија
Живот
22. May 2018 - 11:39

Документарецот открива шокантни детали: Принцезата Дајана имала психичко пореметување поради трауми од детството, тоа и го уништи бракот

Последните неколку дена сите очи беа вперени во британскиот двор поради венчавката на Хари и Меган Маркл. 
 
Меѓутоа, кога се зборува и се пишува за кралското семејество, невозможно е да не се спомне принцезата Дајана и нејзиниот принц Чарлс. 
 
Фановите на кралското семејство за Хари и Меган сакаат подолг брак отколку што имаа Дајана и Чарлс, а животот на Дајана и Чарлс и понатаму е жешка тема за која многумина сакаат да знаат нешто повеќе. 
 
Во документарецот "Diana - Story Of A Princess" се наведува дека за времето на бракот, пријателите на Чарли зборувале дека принцезата имала психички проблеми поради трауми од детството. Имено, кога имала седум години, нејзините родители се развеле, а старателството го добил нејзиниот татко. 
 
 
Пени Џуниор, авторката на биографијата на покојната принцеза, исто така во документарецот изнела тврдења дека Дајана во врска со принцот влегла со ментални проблеми кои подоцна кулминирале со депресија и булимија. 
 
Разводот на нејзините родители наводно бил еднакво драматичен како и нејзиниот развод, а родителите на Дајана по разводот речиси не ни разговарале. Нејзиниот татко  повторно се ожени по неколку години, а таа тоа тешко го поднела. 
 
- Имала несреќно детство и сама влезе во несреќен брак, вели Џуниор. 
 
Принцезата Дајана била „ идеална девојка за принцот Чарлс“ во таа доба. Била ќерка на англискиот гроф, имала 19 години и немала момче пред принцот. 
 
 
Иако на почетокот нивниот брак изгледал како бајка, принцезата подоцна сама признала дека тоа било пекол уште од првиот ден, и дека за време на првата година од заедничкиот живот таа заболела од булимија и депресија. Неколку пати се одидувала и да се убие.