„Дојче банк“ со платена реклама во германските весници се извини за своето неправилно работење
Најголемата германска банка, „Дојче банк“ (Deutsche Bank) со цела рекламна страница во весниците се извини за своите неправилности во работата, што компанијата ја чинеа загуби во милијарди евра, пренесоа американските медиуми.
Извинувањето, потпишано од главниот извршен директор, Џон Крајон, се појави во саботните изданија на германските весници, вклучувајќи ги и „Франкфуртер алгемајне цајтунг“ и минхенски „Зиддојче цајтунг“.
Банката признава дека нејзиното однесување во минатото „не само што не чинеше пари, туку и нашата репутација и доверба“.
Во текот на декември минатата година „Дојче банк“ во вонсудска спогодба со американското Министерство за правда прифати да исплати 7,2 милијарди долари заради договори со нетранспарентни обврзници, гарантирани со хипотекарните заеми од 2005-2007 година. Загубите со таквите хартии од вредност придонесоа за избувнување на светската финансиска криза, потсетуваат американските медиуми.
Другите случаи на прекршувања на работењето на банката ги вклучува манипулациите со водечките каматни индекси и перењето пари, поврзани со Русија.
Во платената рекламна порака компанијата вети дека: „Ние во управниот комитет и раководството на банката ќе направиме се што е во наши сили за да го спречиме повторувањето на ваквите случаи“.
Ново на Сител
-
Владата бара од институциите до петок информација за реализацијата на препораките од УНЕСКО
-
Поделени картички за зелена нафта во неколку каменички села
-
Пендаровски: Нема компромис кога станува збор за правото на образование на мајчин јазик
-
Намалена видливост поради магла на неколку патни правци
-
Со закон ќе се дефинира разликата помеѓу политички именувани лица и администрацијата
-
Заев: Ќе градиме заеднички ставови за соодветна примена на препораките од Венецијанската комисија
-
Без вода утре дел од жителите на Општина Аеродром
-
Владата предлага укинување на законот за пазарџиите, ќе се носи ново решение