Договор меѓу Македонија и Грција за заштита на разменетите класифицирани информации
Владите на Македонија и Грција потпишаа Договор за заемна заштита на разменетите класифицирани информации. Во име на двете влади, Договорот во Скопје го потпишаа директорите на надлежните национални безбедносни органи за заштита на класифицирани информации – Стојан Славески и генерал мајор Ангелос Худелудис.
Како што соопшти Дирекцијата за безбедност на класифицирани информации, за време на средбата е разговарано за постојните билатерални релации меѓу двете земји и за новите можности за уште поголема соработка во области што вклучуваат размена на класифицирани информации.
-Воедно, беа потврдени заемните заложби за интензивирање на блиската соработка и реафирмација на процесот на градење доверба меѓу двете земји како пример за добрососедски односи во регионот, се наведува во соопштението на Дирекцијата за безбедност на класифицирани информации.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро