Свет
28. March 2018 - 14:22

Договор кој го изненади светот: Путин и саудискиот принц склучија договор кој го менува односот на силите

Организацијата на земјите-извозници на нафта (ОПЕК) ќе се заложи за "поодржлива" соработка со другите извозници на нафта, објави денеска генералниот секретар на организацијата Мохамед Баркиндо.
 
Изјавата на Баркинд на конференција во Багдад доаѓа по веста дека Саудиска Арабија, најголемиот производител на нафта во ОПЕК, и Русија, која не е членка на нафтениот картел, работат на историски долгорочен договор, кој би можел да ја прошири контролата на глобалните испораки на црно злато од страна на големите извозници за 20 години.
 
Саудискиот принц Мохамед бин Салман во понеделникот објави дека во интервју за Ројтерс, дека двете земји работат на тој договор.
 
"Ријад и Москва размислуваат за договор со кој во голема мера ќе се прошири сега краткорочниот сојуз, кој започна во јануари 2017 година, по падот на цените на суровата нафта. Работиме да ги претвораме договорите од една година во 10-20-годишен договор", изјави принцот на Саудиска круна за Ројтерс, Мохамед бин Салман, додавајќи дека Русија и Саудиска Арабија имаат рамковен договор, но не и детали.
 
Долгорочниот пакт меѓу Ријад и Москва ефективно ќе ја вклучи Русија во ОПЕК, зголемувајќи го  својот  зафат со Блискиот Исток, каде што САД долго време е доминантна суперсила.
 
Ројтерс потсетува дека во октомври минатата година кралот Салман стана првиот Саудиски монарх кој ја посети Русија, обезбедувајќи поддршка за руската економија.