Додик: За патот на БиХ кон ЕУ постои консензус, не и за НАТО
Српскиот член на Претседателството на БиХ Милорад Додик рече дека постои консензус за патот кон Европската унија, но нема потреба да се разговара за патот кон НАТО.
– Мислам дека овде во Европската комисија го сфаќаат тоа, но останува проблемот со партнерите во Сараево кои сакаат со условување да го решат прашањето за функционирање на власта, рече Додик за РТРС по средбата со комесарот за соседска политика и преговори за проширување Јоханес Хан.
Тој додаде дека на состанокот немало важни заклучоци или обврзувачки елементи за БиХ на таа средба.
Според него, хрватскиот и бошњачкиот член на Претседателството, Жељко Комшиќ и Шафик Џаферовиќ, истакнале дека тие се за пат на БиХ и во ЕУ и во НАТО, додека тој истакна дека е за соработка само на европски пат.
Претседателството на БиХ соопшти дека на средбата со Хан е изразена благодарност за континуираната поддршка и посветеност на Европската унија и нејзините институции за европските интеграции на БиХ, како и за напорите во претходниот мандат на ЕК, БиХ да направи значајни резултати на патот кон ЕУ.
Ново на Сител
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција