Балкан
14. October 2016 - 11:48

До на пролет можен референдум за воведување претседателски систем во Турција

Доколку турскиот Парламент набрзо донесе соодветна одлука, можно е веќе до следната пролет во Турција да се организира референдум за воведување претседателски систем на владеење, изјава турскиот министер за правда Бекир Боздаг.

Според турската телевизија „Канал 24“, Боздаг денеска изјави дека владиниот предлог за претседателски систем ќе го задржи Парламентот во неговата сегашна форма и ќе ја заштити единствената структура на Турција.

Претходно неделава турската Влада соопшти дека ќе ги обнови напорите за промена на Уставот и проширување на претседателските надлежности, што се дамнешни амбиции на претседателот Реџеп Тајип Ердоган.