До 30 јуни поднесување барања за финансиска поддршка на земјоделски стопанства
Агенцијата за финансиска поддршка во земјоделството и руралниот развој ги известува сите земјоделски стопанства дека поднесувањето на барањата за финансиска поддршка во земјоделството е во тек и ќе трае до 30 јуни.
- Во овој период се поднесуваат барања за растително производство и тоа за: површини со поледелски и градинарски култури, одржување на лозови и овошни насади, како и производство на сертифициран семенски и саден материјал. За сточарското производство се поднесуваат барања за одгледување на: говеда, овци, кози, свињи, пчели, живина, информира Агенцијата.
Корисници на финансиската поддршка се земјоделски стопанства кои се впишани во Единствениот регистар на земјоделски стопанства и ги исполуваат сите услови кои се пропишани во Законот за земјоделство и рурален развој, Програмата за финансиска поддршка во земјоделството за 2016 година и Уредбата за директни плаќања за 2016 година.
- Првпат оваа година овозможивме барањата да се поднесуваат по електронски пат, самостојно од страна на барателите, со пристапување во системот преку веб-страната на Агенцијата www.ipardpa.gov.mk со избор на делот „Директни плаќања е-барање“, соопшти Агенцијата.
Сите детали за мерките, утврдените критеруми, потребните документи, висината на финансиската поддршка и за начинот на поднесување на барањата по електронски пат се опишани во упатства за корисниците кои се достапни на македонски и на албански јазик во електронска форма на веб-страната на Агенцијата, како и во печатена форма.
За деталите во однос на електронското барање заинтересираните може да ги контактираат вработените во Агенцијата за финансиска поддршка во земјоделството и руралниот развој на телефонските броеви: 02/3097-489, 02/2445-805, 070/418-869 и 070/418-870, како и на електронската адреса: ipardpa.info@ipardpa.gov.mk и на веб-страната: www.ipardpa.gov.mk или во подрачните единици на Министерството за земјоделство, шумарство и водостопанство и Агенцијата за поттикнување на развојот на земјоделството каде што може да ги подигнат и бесплатните примероци од упатствата за корисници.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува