Диви трки со мотори секојдневие на охридските улици
Диви трки и дивеење со мотори низ охридските улици. Сообраќајниците и некои улици во градот ноќно време се претворени во патеки за трки и дивеење на моторџиите.Граѓаните на социјалните мрежи реагираат на преголемата бучава во доцните часови и тоа најчесто предизвикана од млади лица и апелираат да се засилат контролите.
Од охридската полиција пак тврдат дека се на терен и во изминативе месеци санкционирале 35 моторциклисти кои возеле со голема брзина и имале вградено несоодветни делови кои предизвикуваат бучава.
Полициските службеници од почетокот на годината регистрирале 394 прекршување во однос на неносење заштитна опрема и 26 возачи на мотори кои управувале со несоодветна категорија.
Голем дел од мотоциклистите немаат навика да носат заштитна опрема, иако тоа е законска обврска.
Статистиката кажува дека при пад со кацигата во 60% од случаите се намалени повредите кои доведуваат до смрт.
-
Нина Аритоновска
Сите содржини од овој новинар