Димовски: Парламентарното мнозинство глуми лажна конструктивност
Пратеникот на ВМРО-ДПМНЕ Илија Димовски денеска изјави дека пратениците од неговата партија и Коалицијата „За подобра Македонија“ остро реагираат на, како што рече, „лицемерното и лажно дејствување на СДСМ во Собранието на Република Македонија“.
- Во текот на вчерашниот ден на седница на Комисијата за финансирање и буџет, пратениците на СДСМ гласаа против донесување на Законот за издавање на вредносни бонови-ваучери на студентите од трета и четврта година во Република Македонија, а нашите најави се дека СДСМ ќе гласа против и за другите два закони предложени од ВМРО-ДПМНЕ и Коалицијата, рече Димовски на прес-конференција во Собранието.
Со тоа СДСМ, како што наведе, призна дека глуми лажна конструктивност во Собранието на Република Македонија.
- Заради односот на СДСМ ниту студентите ќе добијат ваучери ниту вработени во полиција, војска и вработените во другите државни служби ќе добија 5 отсто покачување на платите, ниту ќе се намалат трошоците во постапките за извршување, рече Димовски.
Според него, се повеќе се потврдува позицијата дека Парламентот е на тенкото мнозинство од 62 пратеници, а не е Парламент на 120 пратеници избрани од сите граѓани на Република Македонија.
- Без разлика на ставот на СДСМ не гласањето за законите кои што ние ги предложивме, а се од значаен интерес за граѓаните на Република Македонија, ние ќе го потврдиме нашиот конструктивен однос и ќе гласаме за трите закони кои што СДСМ ги предложи, рече Димовски.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица