Димовски на средба со граѓани во Кочани
Членот на Извршниот комитет на ВМРО-ДПМНЕ Илија Димовски вечерва на прес-конференција во Кочани изјави дека на претстојните предвремени парламентарни избори, жителите од овој дел на земјата ќе имаат многу значајна улога за обезбедување стабилна Македонија и за да ја сочуваме нашата земја.
Димовски заедно со други членови на партијата беше на средби со граѓани и членови на ВМРО-ДПМНЕ во Изборната единица 3.
- Кочани не е истиот град од пред повеќе години. Во Кочани има веќе две странски инвестиции со свои фабрички капацитети. Во Амфенол се вработени 1.200 лица, додека во Антура 250 граѓани од овој град и околината, истакна Димовски.
Главна насока е во Кочани и во Источна Македонија, како што кажа тој, е да се отворат нови фабрики и нови работни места, зголемување на платите и да младите луѓе да останат во Кочани.
- Нашите политички противници ветуваат брда и долини, плата од 30.000 денари... Тоа е политичка лага и лицемерие, истакна Димовски, и додаде дека разликата е голема.
Стапката на невработени во општината од над 10.000 се намали на 4.900 лица од кои половината се пасивни баратели на работа, додаде Димовски.
Трите стратешки проекти кои се однесуваат на Кочани и Источна Македонија, според него, се изградбата на браната Речани на Оризарска река, за која е избран и изведувач на работите, реализација на експресниот пат Штип-Кочани, кој до крајот на годината ќе започне да се гради, како и реконструкција на патот од Кочани до Македонска Каменица и Делчево. Најави и реконструкција на шест училишта во општина Кочани, набавка на нови апарати за општата болница, реконструкција на улици и патишта.
Ново на Сител
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј