Димитров: Со Грција работиме на повторно отворање на преминот Маркова нога-Герман
Министерот за надворешни работи Никола Димитров денеска изјави дека владите на Македонија и на Грција работат на повторно отворање на граничниот премир Маркова Нога - Герман, во Преспа.
Димитров одговарајќи на пратеничко прашање на Бети Рабаџиевска Наумовска кажа дека на неодамнешната средба во Давос на премиерите Зоран Заев и Алексис Ципрас, еден од чекорите што ќе го направи грчката страна во насока на подобрување на климата во односите меѓу двете земји е отворањето на овој премин.
- Истовремено и од наша страна и од грчка страна се отворени разговори со ЕК во смисла на финансирање и на овој проект и пошироко на прекуграничната соработка во регионот. Таму имаме и национален парк што ги поврзува и трите држави, Македонија, Грција и Албанија. Очекувам резултати во наредните неколку месеци. Има некои работи што од нивна страна треба да си ги завршат дома, изјави Димитров.
Преминот Маркова нога – Герман, според него, долго време е на дневниот ред во нашата надворешна политика и односите кон Грција.
- Меѓу другото, јас на мојата прва средба со министерот Коѕијас на 14 јуни во Атина го отворив и ова прашање, додаде шефот на дипломатијата.
Климата кон ова прашање и во Грција видно се подобрува благодарение на отворањето на земјите последниве месеци едни кон други.
- Неодамна имаше меѓуресорска средба посветена токму на ова прашање во Атина со кое што претседаваше министерот Коѕијас. Има видно подобрување и на климата на градоначалниците во тој дел на Грција што гравитираат кон граничниот премин и кон Преспа. Мислам дека ова е многу добро за прекуграничната соработка, и каде што може да покажеме динамика што ќе помогне и за други прашања, рече Димитров.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари