Димитров - Шенон: САД ќе продолжи со поддршка на Македонија
Министерот Никола Димитров пред почетокот на отворањето на Генералната дебата на 72-то Генерално собрание на ОН оствари оствари билатерална средба со потсекретарот за политички прашања во Стејт департмент, Томас А.Шенон.
Министерството за надворешни работи соопшти дека на средбата, која минала во исклучително пријателска и конструктивна атмосфера, министерот ги потенцирал клучните заложби на македонската Влада, како на домашен, така и на надворешен план. Притоа, особен акцент даде на реформските активности насочени кон враќање на македонското општество на вистинската демократска патека, како и на позитивниот, отворен и пријателски пристап кон посредните и непосредните соседи на Македонија.
Димитров се осврна и на сегашниот и на планираниот засилен ангажман и придонес на Република Македонија кон НАТО мисиите, а со цел поддршка на партнерите и придонес кон светскиот мир согласно капацитети на земјата, како и докажување дека земјата по долготрајно чекање заслужува да стане 30-та земја членка на организацијата.
Американскиот потсекретар Шенон, изрази високо почитување за визијата, храброста, самосвесноста и реалниот пристап содржани во пренесените пораки од македонска страна. Изрази интерес за билатералните односи со соседите, како и задоволство од позитивните исчекори во тој правец.
Шенон го потенцираше задоволството на САД од партнерството со Република Македонија и подготвеноста да продолжат со поддршката за реализација на македонските стратешки цели.
Министерот за надворешни работи на Република Македонија учествуваше на повеќе настани и средби во придружба на премиерот Зоран Заев.
Ново на Сител
-
Во Брисел продолжува дијалогот меѓу Белград и Приштина за употребата на динарот во Косово
-
Американскиот Конгрес на 20 април ќе гласа за помошта за Украина и Израел
-
Избори во Хрватска: По преброени 98 отсто од гласовите - ХДЗ има 60, а СДП 42 пратенички мандати
-
Лидерите на ЕУ повикаа на борба против дезинформациите, манипулациите и странското мешање во изборните процеси
-
Сообраќајот по влажни коловози, одрон на патот Берово - Будинарци
-
Променливо облачно со повремен дожд, на планините и снег
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица