Димитров се сретна со новата амбасадорка на Шведска, Кристин Форшгрен Бенгтсон
Министерот за надворешни работи Никола Димитров денеска ја прими новоименуваната амбасадорка на Кралството Шведска во Република Северна Македонија, Кристин Форшгрен Бенгтсон, која му ги предаде копиите на акредитивните писма.
Од МНР соопштија дека Димитров и’ посакал срдечно добредојде и успех во вршењето на функцијата, изразувајќи увереност дека односите меѓу двете пријателски земји ќе продолжат успешно да се развиваат и за време на нејзиниот мандат. Притоа, министерот Димитров се заблагодарил за континуираната поддршка на Шведска во евроинтегративниот процес на Република Северна Македонија. Во таа насока изразил очекување за засилена поддршка на Шведска во претстојниот период со цел позитивна одлука на Европскиот совет во октомври.
Амбасадорката Бенгтсон изразила задоволство од можноста лично да придонесе во зајакнување на македонско-шведското пријателство и да почне со својата работа во овој значаен период за нашата држава. Таа ја повторила поддршката на шведската Влада за продолжување на нашата реформска агенда и што поскоро остварување на нашите стратешки цели.
Ново на Сител
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи