Димитров - Рот: Поздравен напредокот во реформскиот процес на земјата
Текот на разговорите со Грција за разликата околу името, како и најновите актуелности околу процесот на интеграција на Република Македонија во ЕУ и НАТО биле теми на разговор на денешната средба меѓу министерот за надворешни работи Никола Димитров и државниот министер надлежен за Европа во Министерството за надворешни работи на СР Германија, Михаел Рот.
Министерот Димитров ја потенцирал важноста на поддршката на нашите европските пријатели на тој пат. Во таа смисла упатил посебна благодарност за досегашниот исклучително значаен ангажман на пријателска Германија.
- Со напредокот на Македонија во правец на градење на вистинска европска демократија, нотифициран во извештајот на Европската Комисија, имаме ретка можност да постигнеме успех. Можност која треба заеднички да ја препознаеме и искористиме, посочил Димитров.
Државниот министер Михаел Рот го поздравил постигнатиот напредок во реформскиот процес на земјата, јасно препознаен во Извештајот на ЕК и содржаната препорака за отпочнување на пристапните преговори со ЕУ.
Во таа насока, повторил дека Германија и натаму останува силен поддржувач на Република Македонија на нејзиниот пат кон ЕУ и НАТО. Министерот Рот изразил задоволство и охрабрување за заложбите на Владата за изнаоѓање решение во разговорите со Грција.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање