-->
-->
Димитров: Најголемата штета од нерешавањето на спорот со Грција е врз нас
-->
Кој ја трпи најголемата штета од нерешавањето на спорот со Грција? Ниту САД, ниту Русија, ниту Европа, ниту Германија, ниту, пак, Грција. Штетата е врз нас, истакна министерот за надворешни работи Никола Димитров на денешната трета јавна дебата за четирите нацрт-амандмани на Уставот во согласност со Договорот од Преспа што се одржува во Македонската академија на науките и уметностите (МАНУ).
Димитров посочи дека ние не сме членки на НАТО, многу често пред нас стои ПЈРМ, никаде не стои македонски јазик… Ние имаме најголем интерес да се заврши ова прашање, истакна тој пред академиците.
Со решавање на ова прашање, рече тој, “сакаме да го затвориме поглавјето на идентитетските прашања, НАТО и ЕУ”.
– Тоа се трите цели кои сакаме да ги постигнеме, рече Димитров.
Посочи на одредени предлози кои би можеле да станат дел од уставните измени и за кои би сакал да слушне мислење на дебатата.
Академикот Таки Фити кажа дека договорот ги зајакнува и зацврстува идентитетските прашања и оти со него се решава едно историско прашање. Треба да се земат предвид, според него сите придобивки од ова решение и овој спор, посочувајќи на евроинтеграциите, но и на економските бенефити.
Повтори дел од веќе изнесените заклучоци од неодамнешната научна дебата во Академијата меѓу кои и дека ќе треба да се изнајде решение за имињата на некои од институциите. Фити, сепак, рече и дека во МАНУ нема едногласие по овие прашања, но и дека тоа е легитимно и кредибилно доколку се понуди алтернативно решение.
Вицепремиерот за евроинтеграции Бујар Османи рече дека Преспанскиот договор е историски договор постигнат во, како што кажа, една историска година за нас и дека тој ќе тргне еден голем камен што се провлекуваше со години. Укажа на позитивните аспекти од влезот во НАТО и ЕУ, но и на ризиците. Младите нема да останат тука доколку не можат да ја планираат иднината, рече тој посочувајќи притоа и на безбедносните но и економските ризици.
-->
-->
-->
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено