Димитров: Како земја и народ да бидеме третирани со достоинството што го заслужуваме
Случајот на Македонија е сериозен тест за европската перспектива на регионот и за постулатите на Унијата како заедница на вредности, што ја слави јазичната и културната различност на континентот. Влогот е огромен, и повикувам како земја и народ да бидеме третирани со достоинството што го заслужуваме и да бидат применети критериумите за пристапување кон Унијата како и европските вредности.
Ова денеска го изјави вицепремиерот за европски прашања Никола Димитров на вториот ден од неформалниот состанок на министри за европски прашања, во своето обраќање на пленарната сесија во Брдо, Словенија, насловена „Кон поголема отпорност на Европската Унија по Ковид-19 кризата“.
Главниот фокус на дискусијата, како што соопшти СЕП, беше ставен на зајакнување на капацитетите на Унијата за справување и опоравување од Ковид-19 кризата, при што вицепремиерот Димитров ја потенцираше важноста на развивањето заеднички координиран пристап на ЕУ и Западниот Балкан за справување со споделените предизвици како можности за поголема интеграција.
– Вирусот не познава граници и не знае дали земјите се членки или кандидати за членство. Затоа нашиот регион, опкружен со ЕУ земји, мора заедно со ЕУ да се справува со заедничките кризи, како што е пандемијата, рече Димитров.
Во тој контекст, Димитров посочи дека Западниот Балкан е вклучен во повеќето механизми на ЕУ за справување со здравствената криза, но и социо-економско опоравување.
– Зборот криза значи одлучувачки момент. Токму за проширувањето, во рамки на словенечкото претседателство ни престои таков одлучувачки момент во смисла на потребата од заживување на европскиот сон во Западниот Балкан. Успехот ќе биде заеднички. Неуспехот ќе биде заеднички, истакна Димитров.
Ново на Сител
-
ДКСК иницира кривични пријави за високи функционери на власта
-
Тема на денот со министерот Оливер Спасовски: Кој ќе може да му оддаде почит на Гоце Делчев во сабота?
-
Дополнително намалување на цените со увоз од Турција, владата најавува кризен данок и за енергетските компании
-
Тензична седница во српското собрание за Косово
-
Бугарските пратеници ја усвоија декларацијата за Македонија, македонските партии бараат достоинствено чествување
-
Корисниците на парно во Автокоманда на протест бараат намалување на месечните сметки
-
Нов владин кабинет до крајот на неделата, предлогот за нов министер за правда со неколку кривични пријави
-
Димова не чувствува вина, нејзиниот соработник призна дека злоупотребувале пари од европски фондови