Димитров: Како земја и народ да бидеме третирани со достоинството што го заслужуваме
Случајот на Македонија е сериозен тест за европската перспектива на регионот и за постулатите на Унијата како заедница на вредности, што ја слави јазичната и културната различност на континентот. Влогот е огромен, и повикувам како земја и народ да бидеме третирани со достоинството што го заслужуваме и да бидат применети критериумите за пристапување кон Унијата како и европските вредности.
Ова денеска го изјави вицепремиерот за европски прашања Никола Димитров на вториот ден од неформалниот состанок на министри за европски прашања, во своето обраќање на пленарната сесија во Брдо, Словенија, насловена „Кон поголема отпорност на Европската Унија по Ковид-19 кризата“.
Главниот фокус на дискусијата, како што соопшти СЕП, беше ставен на зајакнување на капацитетите на Унијата за справување и опоравување од Ковид-19 кризата, при што вицепремиерот Димитров ја потенцираше важноста на развивањето заеднички координиран пристап на ЕУ и Западниот Балкан за справување со споделените предизвици како можности за поголема интеграција.
– Вирусот не познава граници и не знае дали земјите се членки или кандидати за членство. Затоа нашиот регион, опкружен со ЕУ земји, мора заедно со ЕУ да се справува со заедничките кризи, како што е пандемијата, рече Димитров.
Во тој контекст, Димитров посочи дека Западниот Балкан е вклучен во повеќето механизми на ЕУ за справување со здравствената криза, но и социо-економско опоравување.
– Зборот криза значи одлучувачки момент. Токму за проширувањето, во рамки на словенечкото претседателство ни престои таков одлучувачки момент во смисла на потребата од заживување на европскиот сон во Западниот Балкан. Успехот ќе биде заеднички. Неуспехот ќе биде заеднички, истакна Димитров.
Ново на Сител
-
Предупредување за фамилијата Ѓоковиќ поради руските знамиња
-
СП Ракомет: Утре се играат полуфиналните дуели
-
АО: Сабаленка и Рибакина ќе играат финале
-
Кумановец од магацин украл предмети во вредност од 20.000 евра
-
Пред полицајци фрлил 24 пакувања хероин пред агенција за недвижности и влегол внатре, уапсен 55-годишник
-
Скопјанец мамел граѓани: Ги оштетил за 137.100 денари нудејќи услуги за реновирање, ручеци, сместувања
-
До Собранието испратен закон за амнестија на осудените за настаните од 27 април
-
Потврдена слободата на велешанката Пале, која го усмрти партнерот додека ја давел