Димитров - Гремингер: Поддршка од ОБСЕ за реформската агенда на Владата
- Актуелните и идните активностите на Владата, со посебен акцент на Акцискиот план 3-6-9, кој влегува во втора фаза на имплементација биле тема на денешната средба на министерот за надворешни работи Никола Димитров со генералниот секретар на ОБСЕ Томас Гремингер, кој престојува во прва посета на Македонија, по преземањето на функцијата во јули 2017 година.
Како што соопшти МНР, Димитров при тоа ги изложил приоритетните области во кои се насочени напорите за дејствување и подобрување на состојбите, и тоа: владеење на правото и судството, човековите права и слободата на медиумите, како и изборното законодавство, каде препораките и поддршката од ОБСЕ се добредојдени.
Од своја страна, генералниот секретар Гремингер, изразувајќи задоволство од текот на посетата, упатил пофалба за надминување на политичката криза, и изразил поддршка од ОБСЕ за реформската агенда на Владата.
- Иако ОБСЕ е организација која генерално има мандат за менаџирање на предизвици, во актуелниот македонски контекст е подготвена да разгледува начини за искористување на поволни прилики и зграпчување на позитивниот момент за демократскиот развој на државата, истакнал Гремингер. Тој при тоа го акцентирал задоволството од изнесениот позитивен наратив, ветувачкиот реформски пат и визија за иднината и изразил охрабрување.
Во разговорите соговорниците се осврнале на конкретните области и начините со кои ОБСЕ може да даде свој придонес и поддршка на демократските реформски процеси, како и на идната соработка и активности во рамките на ОБСЕ, стои во соопштението
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања