Димитриев: Идните генерации да земат пример од делата на Мајка Тереза
Канонизацијата на Мајка Тереза е голем настан за Република Македонија и за македонскиот народ. Денеска добивме уште еден светец по потекло од Македонија, што само по себе ја покажува големината на настанот, изјави премиерот Емил Димитриев по прогласувањето на Мајка Тереза за Светица во Ватикан.
Димитриев, јави известувачот на МИА, рече дека присуството во Ватикан на македонската делегација е одраз на почит на нејзината големина. Информира дека имале куса средба со Папата Франциск која ја искористиле уште еднаш да ја реафирмираат поканата за негова посета на Македонија.
- Во овие моменти на условно кажано политичка криза која Македонија ја држи подолг период убава беше приликата да се сетиме на делата на Мајка Тереза и за можноста тие вредности да ги споделиме во овие моменти кога имаме силна политичка битка помеѓу политичките партии дека сепак хуманоста, добродетелта, почитувањето едни со други, вредности што ги промовираше Мајка Тереза, апсолутно би ни помогнале во надминување на оваа политичка криза, бидејќи нејзината помош не беше условена ниту од вера, ниту од боја на кожата, ниту од раса, истакна Димитриев.
Тој смета дека нејзината космополитска димензија беше круна на сето она што таа го има направено за човештвото и дека ќе биде поука за идните генерации да земат пример од делата што ги правеше Мајка Тереза. паг/сст/14:47
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок