ДИК: По 60,59 отсто обработени гласови – СДСМ води во 49, ВМРО-ДПМНЕ во 10 општини
Според првичните резултати што вечерва на прес-конференција ги соопшти Државната изборна комисија, кандидатите за градоначалници на СДСМ водат во 49 општини, на ВМРО-ДПМНЕ во 10 општини, на ДУИ во 12, а кандидатите на девет други партии, коалиции и од група избирачи водат во останатите општини.
Претседателот на Државната изборна комисија Александар Чичаковски на прес-конференцијата, соопштувајќи дел од изборните резултати, оцени дека изборите поминале во фер и демократска атмосфера и оти генерално имало успешен изборен ден.
– Во текот на денот избирачките одбори во општинските изборни комисии се соочуваа со по некој технички проблем, но ДИК преку соодветни упатства ги надмина и сметам дека генерално имавме успешен изборен ден, рече Чичаковски.
ДИК во рок од 12 часа по затворањето на избирачките места треба да ги даде првичните резултати, а според најавите на Чичаковски се очекува утре околу 11 или 12 часот да излезат со првични резултати.
До еден часот по полноќ во ДИК обработени се 60,59 проценти од гласовите.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари