ДИК: До 10 часот одѕивот 9,49 проценти
До 10 часот изутринава одѕивот од гласањето на денешните предвремени парламентарни избори е 9,49 проценти од обработени 95,09 отсто од вкупниот број запишани избирачи на ниво на Макеоднија, соопшти на прес-конференција претседателот на Државната изборна комисија Александар Чичаковски.
Излезноста во првата Изборна единица е 11,05 проценти, во ИЕ 2 е 9,70 проценти, во ИЕ 3 е 11,36 проценти, во ИЕ 4 е 11,29 проценти, во ИЕ 5 е 9,05 проценти, а во ИЕ 6 одѕивот е 5,10 проценти.
Според Чичаковски, нема информации за поголеми нерегуларности. До ДИК неколку граѓани поднеле приговори за повреда на гласачко право и тие се разгледуваат.
- Сите места се отворени навреме и гласањето тече во сите избирачки места. Гласањето од дијаспората се обработува и кога ќе биде готово ќе биде објавено, рече Чичаковски, одговарајќи на новинарски прашања.
Според заклучениот Избирачки список, право на глас имаат 1.784.416 полнолетни македонски државјани, од кои 1.531.368 во Македонија. На посебниот Избирачки список запишани се 230.122 лица кои согласно евиденцијата на надлежен орган се смета дека се на привремена работа во странство, а за гласање во дијаспората ДИК ги прифати пријавите на 20.573 граѓани.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари