Дијамант продаден за рекорден 71 милион долари
Дијамантот наречен „Розова ѕвезда", којшто има 59,6 карати беше продаден на аукцијата на „Сотбис“ во Хонг Конг, за 71,2 милиони долари.
Оваа цена е рекордна за кој било скапоцен камен. Дијамантот го купила хонгконшката компанија за скапоцени камења Чоу Таи Фук, добивајќи го наддавањето во натпревар со други два понудувачи, соопшти аукциската куќа.
Дијамантот пред наддавањето беше проценет на 60 милиони долари. Тоа е најголемиот совршено блескав розов дијамант којшто кога било е ставен на проценка во Американскиот гемолошки институт, додаваат оттаму.
Дијамантот првпат требаше да биде продаден за уште повисока сума - 83 милиони долари, во Женева пред три години, но продажбата пропадна оти купувачот непосредно потоа банкротирал.
„Розовата ѕвезда" е ископана во Африка во 1999.
Претходниот најскап дијамант беше „Опенхајмер блу", продаден за 57,6 милиони долари.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање