Девет лица загинаа, 25 се водат како исчезнати во пожар во Оукленд

Најмалку девет лица загинаа, а 25 се водат како исчезнати во пожар во Оукленд, кој зафати складиште во кое се одржувала забава, изјави денеска шефот на противпожарната служба Тереза Делоче Риди и додаде дека се уште не се знае причината за пожарот. 

Пожарот избил половина час пред полноќ по локално време, а поради пожарот се урнал покривот на складиштето, што ги отежнува напорите за извлекување на телата. 

Во моментот на избувнување на пожарот во складиштето имало најмалку 50 лица. Складиштето група уметници го користеле како студио.

- Беше препотло и имаше многу чад, изјави еден од уметниците, кој во пожарот се здобил со помали изгореници.