Детски перформанс „Добро утро Битола - заборавените кукли“ на „БитФест“
Претпладнево на отворено, во 10 часот пред градскиот часовник во Битола, актерите од Битолскиот театар Маја Андоновска-Илијевски, Илина Чоревска и Викторија Степановска -Jанкуловска, во рамки на летниот фестивал „БитФест“ ќе изведат детски перформанс „Добро утро Битола – заборавените кукли“.
Од „БитФест“ информираат дека станува збор за серијал од три дена со три мали претстави во кои настапуваат три актерки и кои за најмладата публика ќе овозможат незаборавни перформанси на тема „Добро утро“, „Добар ден“ и „Добра ноќ во Битола“, за кои текстот го напиша драматургот Билјана Крајчевска.
Според сценариото на перформансот, актерките ќе раскажат три приказни за другарувањето, детската игра и доживувањата на Широк сокак, со акцент дека најубавите спомени се врзуваат со детската игра, а не пред компјутер или со телефон в рака. Втората претстава за деца ќе се одигра во Градски парк, а третата пред објектот на Центарот за култура-Битола.
Во рамки на „БитФест“ вечер во битолската Магаза ќе биде промовирана книгата „Нашето националистичко пијанство“ од авторот Александар Литовски.
Промотивниот настан го организираат локалната самоуправа и општинскиот Одбор на Сојуз на борци-Битола.
Ново на Сител
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори