Македонија
10. November 2019 - 9:02

Детали за пукањето на Бит Пазар: Ранет работник на „Комунална хигиена“, налетал на грабеж, крадците пукале

Работник на ЈП „Комунална хигиена“ бил ранет во нога вчера на Бит Пазар.

Според неофицијални информаци, повредениот ја метел улицата во близина на Албанскиот театар кога забележал група крадци како провалуваат во една од продавниците. Тој најверојатно почнал да вика, по што провалниците се повлекле, а еден од нив извадил пиштол и пукал во работникот. Куршумот го погодил човекот во ноата, а крадите се разбегале.

Полицијата веднаш реагирала и биле неколку провалници, но лицето што пукало успело да избега. Повредениот работник на ЈП„Комунална хигиена“ бил пренесен во болница.

Од МВР потврдија дека се случил инцидентот.

-Околу 20 часот на улица 192 пријавена е кражба при која е испукан куршум од пиштол, кој завршил во ногата на А.Ш.(42) од Скопје. Тој бил префрлен во Комплекс клиники „Мајка Тереза“. Возилото со кое е извршена кражбата е обезбедено. Се преземаат мерки за расчистување на случајот, велат од МВР.