Дескоска се сретна со комесарот за човекови права на Советот на Европа Нилс Мужниекс
Министерката за образование и наука Рената Дескоска денеска се сретна со комесарот за човекови права на Советот на Европа, г. Нилс Мужниекс, се наведува во соопштение на МОН.
На средбата биле дискутирани клучните предизвици во образованието 2018-2025, во поглед на почитување на човековите права, но и во однос на почитување на различностите или подобрување на меѓуетничката интеграција во предучилишното, основното и средното образование.
Министерката Дескоска по средбата изјави дека Стратегијата за образованието предвидува соодветни решенија за инклузија на лицата со посебни образовни потреби, во смисла на обезбедување физички услови за вклучување на учениците со физичка попреченост, кои во моментот се исклучително ограничувачки, но, и формирање на инклузивни тимови во училиштата, унапредување на капацитетите и екипирање на стручната служба со педагози, психолози и специјални едукатори.
Дескоска се осврна и на интеркултурното образование, кое во моментот не е соодветно отсликано во наставните или воннаставните активности.
На средбата се разговарало и за унапредување на меѓуетничката интеграција во училиштата, како место каде учениците треба да се воспитуваат во духот на толеранцијата, мултикултурализмот и соживотот.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица