Македонија
15. November 2019 - 14:28

Дескоска: Гласот на судството се слуша само за распределба на пари, а тие имаат најмалку право да зборуваат

Министерката Рената Дескоска вели дека гласот на судството се слуша само за распределба на пари, а имаат најмалку право да зборуваат за тоа поради лошите оценки од граѓаните. Во однос на денешниот протест на Синдикатот на УПОЗ рече дека барањето на синдикалците да имаат претставник во Судскиот буџетски совет е легитимно, но тоа не може да се изведе пред избори. Вели дека кога се одлучува за судбината на сите вработени, мора сите страни да бидат претставени.

Дескоска ќе бара зелено светло од Европската комисија за Ветинг во судството и обвинителство. Според неа, подобро криминогените обвинители да бидат отпуштени и да фалат обвинители, бидејќи ако се внатре ќе направат поголема штета.

За Изборниот законик рече дека одржани се две средби и дадени се предлози. А неделава добиваат одговори од институциите и политичките партии.

 

Даниел Василев