Десетмина починати, 111 заболени и 159 излекувани од Ковид-19 во изминатите 24 часа во Косово
Во Косово во изминатите 24 часови починаа десетмина заболени од Ковид-19, со што бројот на жртви епидемијата на новиот коронавирус достигна до 467, објави попладнево во својот редовен дневен извештај Националниот институт за јавно здравство на Косово (ИКШПК).
Како што јави дописникот на МИА од Приштина, по вчерашните деветмина починати, денеска продолжи неколкудневниот тренд на двоцифрена бројка на жртви на епидемијата, при што, според косовските здравствени власти, се работи за главно повозрасни и лица кои страдаат од дијабетис, кардиоваскуларни и други потешки хронични болести.
Во текот на вчерашниот ден регитрирани се нови 111 заразени, со што вкупната бројка на заболени од Ковид-19 од почетокот на епидемијата достигна до 12.448. Од нив, вклучително последните 159, излекувани се вкупно 8.505, така што бројката на активни носители на вирусот изнесува 3.476.
Во лабораторијата за молекуларна микробиологија на ИКШПК вчера се извршени 448, а од почетокот на епидемијата 47.355 тестирања.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово