Свет
28. September 2015 - 9:29

Десет лица загинаа во напад во југоисточен Авганистан

Најмалку десет лица загинаа, а над 50 беа ранети во самоубиствен напад на крикет натпревар во југоисточен Авганистан, соопштија локалните власти.

Нападот во провинцијата Пактика, извршен вчера со автомобил-бомба, веројатно бил насочен против локалните власти, кои дошле да го следат натпреварот. 

Во сличен напад за време на натпревар по одбојка во истата провинција минатата година загинаа најмалку 50 лица.

Во меѓувреме талибанските борци почнаа денеска нов надпад врз главниот град на северната провинција Кундуз.

Од шест часот изутрината во центарот на градот Кундуз се слушаат истрели од тешка артилерија и автоматско оружје, а владините сили го спречуваат навлегуваето на бунтовниците.