„Денови на македонското пчеларство“ во Битола
- Пчеларското здружение „Нектар“-Битола од денес и во наредните три дена е организатор на традиционалната манифестација „Денови на македонското пчеларство“ која годинава одбележува јубилеј – 20 години континуирано организирање и одржување во овој град.
На манифестацијата „Денови на македонското пчеларство“ во Битола има 30 учесници излагачи од повеќе македонски градови, а за време на викендот во Битола ќе гостуваат пчелари од Србија, Црна Гора, Албанија и Грција, истакна Менде Трајковски, претседател на пчеларското здружение „Нектар“-Битола.
-Оваа 2017 година е една од најлошите за производството на мед и останатите пчелни производи, а тоа се должи на априлскиот студ, потоа летната суша и тоа директно влијаеше на производството на мед. Во некои региони во државата едно пчелно семејство произведе по пет килограми мед, а во други региони беа произведени само два килограми мед во просек за едно пчелно семејство. Без разлика на сите околности ние продолжуваме посветено во одгледувањето на пчелите и пчелните семејства и презедовме мерки за да ги заштитиме и подготвиме за претстојната зима, истакна Трајковски.
Според Трајковски климатските промени директно влијаат врз пчелните семејства и производството на мед.
-Без разлика на негативните статистички податоци поврзани со производството на мед, сепак, има доволно мед за домашниот пазар, но, за жал, не и за извоз. За нас е дополнително важно што се зголемуваат навиките кај населението за консумирање мед, посебно квалитетен мед и во таа смисла очекуваме со поддршка на надлежните институции да продолжи борбата и спречување на нелојалната конкуренција и продажбата на неквалитетен мед во државата, посочи Трајковски.
На денешната манифестацијата „Денови на македонското пчеларство“ беше потврдено дека развојот на пчеларството во Македонија има одлични услови, природни и институционални и се очекува наскоро македонскиот органски мед да се најде на швајцарскиот пазар.
Ново на Сител
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата