Денови на македонската поезија по 29-ти пат во Шведска
Традиционалната културна манифестација „Ден на македонската поезија во Шведска“ денеска ќе се одржи по 29-ти пат во Гетеборг.
На поетското читање ќе настапат дваесетина поети, а меѓу гостите кои ќе ја проследат програмата најавено е присуство и на амбасадорка Мира Крајачиќ.
– Амфитеатрлната сала во Градската библиотека во Гетеборг нуди одлични услови за поетско читање, а и годинава се надеваме на добар одѕив и посветеност од страна на љубителите на литературната уметност, вели Ивица Челиковиќ, секретар на Македонскиот сојуз во Шведска.
Меѓу учесниците во програмата, освен авторите по потекло од Северна Македонија кои живеат во Шведска, ќе настапат и повеќемина поети од други националности, меѓу кои и неколку членови на Писателскиот центар во Западна Шведска.
За денеска е планирано да се одржи и годишно собрание на Македонското поетско друштво „Дениција“.
Идната година, Деновите на македонската поезија во Шведска ќе го прослави својот тридеценски јубилеј, како единствена поетска манифестација од ваков вид во редовите на македонската дијаспора во овој дел на Европа.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана