Loading Video...
Свет
11. јуни 2021 - 12:22

Денеска почнува самитот на групата седум најразвиени земји Г-7

Денеска почнува самитот на групата седум најразвиени земји Г-7. Главниот фокус ќе биде ставен на надминување на здравствените и финансиските последници од пандемијата предизвикана од вирусот Ковид 19, но и за последиците од климатските промени. Домакин на состанокот ќе биде Велика Британија.

Самитот ќе трае до 13јуни, а на него ќе присуствува и американскиот претседател Џозеф Бајден, што е негово прво патување надвор од земјата речиси 5 месеци откако застана на функцијата. Британскиот премиер Борис Џонсон очекува групата Г7 да донира милијарда дози вакцина против Ковид-19 на посиромашните земји за време на самитот.

Претходно американскиот претседател Џо Бајден рече дека САД ќе донираат 500 милиони дози вакцина Фајзер. Велика Британија ќе им даде најмалку 100 милиони дози вишок вакцина на најсиромашните земји.

Во меѓувреме хотелот што го користеа членовите на германската делегација на самитот Г-7 е затворен затоа што неколку членови на персоналот се позитивни на Ковид-19. Германската канцеларка Ангела Меркел ќе присуствува на самитот и покрај тоа што во тој хотел отседнале дел од нејзиното обезбедување.