Македонија
18. January 2016 - 8:14

Денеска е Св. маченици Теопемпт и Теона

Според календарот на МПЦ (Јулијанскиот календар) денеска е 5 јануари.

Денеска е Св. маченици Теопемпт и Теона.

Свети Теопемпт беше епископ на Никомидија во времето на Диоклецијан. Кога овој ја дополни редицата царски закони против христијаните со свој едикт, епископот се најде во затвор. Беше ставан на маки цели 22 дена, но за чудо на сите остануваше неповреден. Сметајќи дека тоа се должи на некоја магија, мачителите повикаа еден пагански жрец Теона. Овој му даваше на Теопемпт да пие проверени смртоносни отрови, а откако виде дека епископот и тогаш останува неповреден, се обрати и поверува во Христа. Двајцата беа затворени и набргу погубени. На свети Теопемпт му беше отсечена главата, а свети Теона жив го закопаа.