Дендиас: Ратификуваните меѓународни договори не се менуваат своеволно
Меѓународниот Договор од Преспа е ратификуван и стапи во сила, па според тоа, не може да се менува своеволно, пишува министерот за надворешни работи на Грција, Никос Дендиас во одговор на пратеничко прашање на Андониос Милонакис од партијата Грчко решение, во однос на тоа дали може да се поништи Договорот од Преспа, jави дописничката на МИА од Атина.
– Меѓународниот Договор од Преспа, како што е познато, е ратификуван од грчкиот Парламент и стапи во сила од 12 февруари годинава. Според тоа, не се менува своеволно. Впрочем, државата има континуитет. Покрај тоа, основниот принцип на меѓународните односи „pacta sunt servanda“ треба да се почитува од сите на меѓународната сцена, вклучувајќи ги и нашите соседни држави. Како што веќе беше нагласено, Министерството за надворешни работи внимателно и темелно го следи целосното и доследното спроведување на договорот. Кога се забележуваат доцнења, недостатоци или нарушувања во спроведувањето од друга страна, се преземаат сите соодветни активности, вклучително и демарши, објаснува Дендиас во писмениот одговор.
Пратеникот од Грчко решение во неговото прашање вели дека „името Северна Македонија што произлегува од Договорот од Преспа прекршува едно од индивидуалните права на грчкиот граѓанин” и прашува зошто не постои можност за поништување на договорот кога, како што тврди тој, Скопје „не се придржува кон обврските од договорот и ја задржува климата на иредентизам за кој што извор е Уставот на земјата”.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка