Ден на жалост во Косово за полицаецот кој загина при вршење на должноста
Косовскиот претседател Хашим Тачи го прогласи денешниот ден, 30 јануари, за ден на жалост во земјата, во чест на полицаецот Сами Тачи, кој го загуби животот вршејќи ја службената должност за време на полициска акција во вторникот вечерта во селото Жур во близина на Призрен, јави дописникот на МИА од Приштина.
Во знак на државна и граѓанска почит, државните знамиња денеска ќе бидат спуштени на половина копје во сите државни објекти на Република Косово, внатре и надвор од државата, се вели во соопштението од кабинетот на Тачи. Претходно, вчера, претседателот на државата го одликува загинатиот полицаец, кој бил поранешен припадник на Ослободителната војска на Косово, со орденот „Херој на Косово“.
Полицаецот Сами Тачи загина, а двајца негови колеги беа повредени, во акција за приведување на лицето Иран Бадали, осомничен за повеќе кривични дела.
Според официјални полициски извори, Бадали во неговата куќа поставил експлозивна направа, која се активирала додека припадниците на полицијата вршеле претрес во внатрешноста на објектот. Во експлозијата е ранет и 11-годишниот син на Бадали.
Повод за полициската акција во вторникот вечерта билo јавувањето во полицијата во Призрен на 7-годишната ќерка на Бадали, која пријавила насилно однесување на нејзиниот татко.
Во текот на вчерашниот ден Бадали е уапсен и задржан во притвор за натамошна процедура.
Ново на Сител
-
Убедливо водство на Силјановска
-
ОБСЕ/ОДИХР ги објави првичните резултати за првиот круг претседателски избори
-
Хроника на изборни нерегуларности за првиот круг на претседателските избори
-
Анализа на првиот круг од претседателските избори
-
Убедлива победа на Силјановска во првиот круг, Пендаровски најавува продолжување на европската агенда
-
Груби со куфер од пред Општина Чаир побара да си одат четворицата претседатели од албанската опозиција
-
Таткото на Вања Ѓорчевска оди во куќен притвор
-
Таткото на Вања повторно бара слобода од Врховниот суд