Демонстрантите побараа смена на Порошенко
Неколку стотина луѓе синоќа протестираа во Киев барајќи смена на претседателот на Украина, Петро Порошенко.
Актуелниот претседател, кој е кандидат и на изборите што се закажани на 31 март, е мета на напади откако новинарска истрага поврза еден од неговите блиски соработници со наводна проневера на воени средства.
Демонстрантите носеа транспаренти на кои пишуваше „Има многу кандидати, но само еден е крадец“, алудирајќи на мотото на Порошенко – „Има многу кандидати, но само еден е претседател“.
Порошенко негира вмешаност во проневерата и побара Обвинителството да го испита случајот.
Рејтингот на Порошенко драстично е намален поради сеприсутната корупција и економските проблеми кои уследија по руската анексија на Крим во 2014 година.
Според анкетите, актуелниот претседател е на второ место, зад комичарот Володимир Зеленски.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот