Демократскиот сојуз на Косово: Владата го изгуби мнозинството, партиите да одредат датум за избори
Демократскиот сојуз на Косово (ЛДК), оцени дека земјата се наоѓа во длабока институционална и политичка криза и ги повика политичките партии „што поитно да се состанат и да одредат датум за избори“.
Владата, според ЛДК нема мнозинство во Собранието на Косово и врз основа на демократските правила, се смета дека Косово нема оваа Влада.
- Теми значајни за граѓаните во земјата не може да се решат од страна на малцинска Влада. Како резултат на тоа, предвремени избори се неопходни. Ги повикуваме партиите што поитно да се состанат и да одредат датум за избори, на начин овие избори да бидат спроведени како што треба и граѓаните слободно да ја изразат нивната волја, се посочува во соопштението од денешната седница на Претседателството на партијата.
По одлуката на Српска листа да оди во опозиција, партиите од владината коалиција немаат мнозинство во Парламентот. Доколку се изземат нејзините девет пратеници, тогаш партиите на власт во косовскиот законодавен дом имаат 53 пратеници.
На минатогодишните предвремени парламентарни избори ЛДК на Иса Мустафа ја предводеше коалицијата ЛАА, во која освен оваа беа и партијата Алијаса за Ново Косово и Алтернатива и обезбедија 30 пратенички места. При формирањето на владата Алијансата за Ново Косово, на Беџет Пацоли, која има тројца пратеници, ја напушти изборната коалицијата и влезе во Владата на Рамуш Харадинај.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри