Македонија
21. April 2019 - 18:11

Демократски изборен ден во Пелагониските општини

Општинските изборни комисии од Битола, Демир Хисар, Новаци и Могила информираат дека избирачкиот процес во Пелагониските општини се одвива без пречки и демократски.

На подрачјето на Општина Битола до 17 часот гласале 39,44 насто од 81.738 гласачи евидентирани во Единственот избирачки список, додека во Општина Демир Хисар гласале 51,94 проценти од 6.955 граѓани со право на глас.

Во Општина Новаци до 17 часот гласале 53,73 отсто од 2.959 гласачи, додека во Општина Могила на денешните претседателски избори гласале 41 отсто од жителите во таа општина, информираа од ОИК-Могила.