Демократијата и образованието главни теми на Конференцијата Форум 2000 година во Прага

Годинашниот 19. Форум 2000, кој почна синоќа во Прага ќе се занимава со улогата на образованието во зајакнување и ширење на демократијата, јави дописникот на МИА од чешкиот главен град. 

 

Традиционалната тема на Конференцијата, која беше иницирана од страна на поранешниот дисидент и чешки претседател Вацлав Хавел, кој почина во 2011 година се човековите права.

 

- Демократијата не е генетска информација, демократијата не е само општествен систем, демократијата треба да ја учиме, рече директорот Јакуб Клепал. 

 

Конференцијата во наредните денови, до 16 септември ќе се занимава и со испитувањата за тоа дали е можно да се учи демократијата, дури и во областите без традиција. 

 

Исто така, ќе се занимава и со темата на бегалците или Исламската држава. 

 

Основањето на Форум 2000 беше со цел да се обезбеди простор за изразување на личности од најразлични области. Во изминатите 18 години на Конференцијата учествуваа над 700 истакнати личности, дисиденти и борци за човекови права.