Делумни локални избори во делови од Велика Британија
Во делови од Англија, Велс и Шкотска денеска се одржуваат локални избори за нови членови во општинските совети, како и за градоначалници во неколку градски центри.
Вкупно ќе се гласа за изборот на 4.851 претставник во вкупно 88 совети на општините во Шкотска и Велс, како и за 34 совети во Англија, од кои 27 обласни.
Британските гласачи денеска избираат и шестмина градоначалници - на поширокиот реон на Манчестер, на Ливерпул, Западен Мидлендс, Западна Англија, Кембриџ и Питербороу.
Традиционално, сите избори во Велика Британија се одржуваат во четврток, а гласањето трае од 7 до 22 часот.
Првите резултати се очекуваат во текот на утрешниот ден.
Овие делумни локални избори се одржуваат на еден месец пред предвремените парламентарни избори закажани за 8 јуни, па нема посебни мерења за расположението на гласачите.
Претходно, направените анкети покажуваат дека владејачката Конзервативна партија има уверлива предност од 20 отсто пред лабуристите.
Денешното гласање, сепак, се оценува како тест на партиите пред изборите идниот месец.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари