Македонија
6. February 2019 - 10:21

Делови од Кисела Вода, Центар, Карпош и неколку скопски села утре без струја

Корисниците од улиците „Сердарот“ и „Ратко Митровиќ“ и целиот реон кај ТИПО и Туланата во Општина Кисела Вода утре од 8:30 до 15:00 часот ќе останат без напојување со електрична енергија.

Во периодот од 8:00 до 15:00 часот без струја ќе бидат и корисниците од броевите 57, 59 и 108 на улицата „Востаничка“ во општина Центар, од 13:00 до 15:00 часот корисниците од сите стопански и нестопански објекти на територијата на општина Зелениково, а од 9:00 до 11:00 часот корисниците од непарните броеви од број 65 до број 81 на улицата „Јуриј Гагарин“, парните броеви од број 4 до број 18 на истата улица и зградата со број 149 на булеварот „Митрополит Теодосиј Гологанов“ во општина Карпош.

Од 9:00 до 12:00 часот електрична енергија ќе немаат и дел од корисниците од улицата „Ацо Шопов“ околу бројот 9 во општина Бутел, од 12:30 до 14:30 часот делови од улиците „Шарпланинска“, „Пекљане“, „Торонто“ и „Антон Кецкаров“ во општина Шуто Оризари, а од 9:15 до 15:00 часот дел од корисниците од селото Рашче.

Како што информира Регионалниот центар за управување со кризи на град Скопје, причина за прекинот во снабдувањето со електрична енерија е изведување планирани технички зафати во дистрбутивната мрежа од страна на екипи на „ЕВН Македонија“ АД.