Делегација од Факултетот за безбедност на средба со претседателот Иванов
Делегација од Факултетот за безбедност-Скопје, составена од деканот Никола Дујовски, продеканот за наука и развој Марјан Ѓуровски и проф. д-р Владимир Ортаковски, денеска беше примена од претседателот Ѓорге Иванов.
Претседателот Иванов нагласил дека Факултетот за безбедност како високообразовна институција со своите активности придонел за мирен и стабилен развој на Република Македонија во нејзините демократски процеси, воедно постигнувајќи значајни резултати во работата, особено во едукацијата и образованието на кадар за потребите на безбедноста и одбраната на Република Македонија и научното истражување.
На средбата било истакнато дека изминатите четири децении многу генерации од Факултетот за безбедност-Скопје значајно придонеле преку посветеното работење, пожртвуваност и истакнување за време на мир и кризни состојби.
- Да се студира на Факултетот за безбедност-Скопје претставува вистински избор за наобразба и придонес кон подигнување на високите стандарди на кадарот во безбедносните институции и недржавни актери во земјата, подвлекол претседателот Иванов, кој го потенцирал позитивното искуство од дипломираните студенти на овој факултет.
На средбата биле иницирани заеднички научно-истражувачки проекти од областа на надворешната политика, безбедноста и одбраната со кои ќе се придонесе за надлежните институции, како што е Кабинетот на Претседателот на Република Македонија и за неговото работење како врховен командант на вооружените сили на државата.
Факултетот за безбедност-Скопје одбележува 40 години од неговото формирање и има постигнато високи резултати во доментот на високото образование за потребите на безбедносниот систем на Република Македонија, како и општествени, безбедносно-одбранбени и научно-истражувачки работи.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува