Делегација на ЕБОР во четиридневна посета на Македонија
Делегација од Европската банка за обнова и развој (ЕБОР) од денеска до петок ќе престојува во посета на Македонија каде ќе оствари средби со владини претставници, бизнис лидери и граѓански организации.
Посетата се реализира како подготвителна активност за стратегијата на ЕБОР за Македонија за периодот од 2019-2023 година, а целта е да се договорат приоритетите на македонската Влада и да се идентификуваат клучните области каде ЕБОР може да се ангажира за да се интензивира деловниот и политичкиот дијалог.
Делегацијата ќе ја предводи директорот на ЕБОР за Холандија, Кина, Монголија, Македонија и Ерменија, Франс Викерс.
Предвидени се средби со премиерот Зоран Заев, министерот за финансии Драган Тевдовски, претставници од Кабинетот на вицепремиерот Кочо Анѓушев и со гувернерката на Народната банка на Република Македонија, Анита Ангеловска-Бежовска. Делегацијата од ЕБОР ќе оствари средби и со меѓународни финансиски организации, Европската унија, комерцијалните банки, компании од енергетиката во државна сопственост и со претставници од граѓанскиот сектор и дипломатскиот кор.
Посетата на Скопје доаѓа последователно по средбите на делегацијата во Косово.
ЕБОР има инвестирано над 1.8 милијарди евра во 113 проекти во Македонија,фокусирајќи се на поддршка на интеграцијата на земјата во регионалните и глобалните пазари, преку инвестиции и политички дијалог, особено во интензивирање на соработката со клучните партнери како Европската Унија и Европската Инвестициона Банка. Од ЕБОР најавуваат и одржување на Трет инвестициски самит за Западен Балкан на кој ќе присуствуваат шест премиери од регионот. Годинава, Годишното собрание на ЕБОР ќе се одржи во Сараево на 8 и 9 мај.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.