Делбонис му зеде мерка на Мареј

Аргентинецот Федерико Делбонис приреди вистинска сензација на Мастерсот во Индијан Велс, откако во третото коло го елиминираше вториот носите Енди Мари.

 

Делбонис против Мари одигра фантастичен меч, најдобриот во својата кариера, успеа да се врати по водството на вториот светски рекет, во третиот сет од 1:4 и на крајот да триумфира со 6:4, 4:6, 7:6.

 

Односот на винери и неизнудени грешки беа пресудни за победата на Делбонис, тој имаше 31 директен поен и 43 неизнудени грешки, додека кај Мари тој односн изнесуваше 25-44.

 

Аргентинецот во наредното коло ќе игра против Гаел Монфилс, кој убедливо во два сета, славеше над Алберт Рамос.

 

Во следната рунда се пласираа и Милош Раониќ, Давид Гофан, Ришар Гаске, Марин Чилиќ, Томаш Бердих и Стан Вавринка.