Дејвис куп: Аргентина изедначи (1:1) во финалето

Тенисерите на Аргентина го изедначија резултатот на 1:1 во финалето од Дејвис купот откако синоќа во вториот сингл меч Хуан Мартин Дел Потро го победи Иво Карловиќ со 3:1 во сетови (6:4; 6:7 (6:8); 6:3 и 7:5) за 3 часа и 18 минути.

Во првиот меч одигран во „Загребска Арена“ Марин Чилиќ беше поуспешен од Фдереико Делбонис со 3:2 во сетови со што на Хрватска и го донесе првиот поен.

Денеска од 15 часот е мечот во игра на двојки, а за Хрватска ќе играат Иван Додиг и Франко Скугор против Аргентинците Леонардо Маер и Гудио Пеља. Во недела се играат уште два сингл меча.